mércores, 24 de outubro de 2018

Día Internacional das Bibliotecas Escolares



"A poesía, din, é a memoria do mundo". Juan Marqués


A poesía está por todas partes, o que importa é explorar para descubrila. A biblioteca escolar é un lugar privilexiado para estimular esa mirada que xogue a descubrir a poesía que se agocha nas paisaxes, na música, no cine, nunha noite estrelada, no baile do vento na herba, nos seres minúsculos que só podemos ver a través do microscopio, nesa música que engaiola, na palabra dos poetas, na tradición oral, nun texto que nos traspasa e nos obriga a mirarnos, nesa persoa que nos axuda a abrir os ollos para ver o que nos rodea, no último descubrimento científico (eses escutoides descoñecidos até agora), nesa voz que nos fala, nese abrazo que nos agarima... 

Longa vida á poesía, "memoria do mundo", en palabras do poeta Juan Marqués, quen tamén afirma que a poesía, aínda que ninguén a lea, penetra nas conciencias e nas nacións e dá enérxicos empurróns á Historia, inventa e derruba deuses, funda e destrúe reximes políticos, declara guerras, move montañas... 


POÉTICAS DIVERSAS NA BIBLIOTECA ESCOLAR 

Poéticas diversas convida a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe até obter todo o seu zume, a coñecer a excelente e variada creación poética galega destinada a todas as idades, a permitir que o alumnado galego poña voz e dea vida á tradición lírica galega, á poesía de Rosalía e de todas e todos os poetas que foron e son. 














Un pequeno video conmemorativo desta sinalada data

Comparte:

venres, 12 de outubro de 2018

Presentación

Ola!
Dámosvos a benvida ó blog da Biblioteca do C.P.R Luis Vives de Ourense.
Esperamos que vos guste.
Para comezar queremos presentarvos á mascota da biblioteca. Chámase LUVI.



Comparte: